قصه حقيقيه محزنه

قصة حقيقية أمي حپستني في الحمام وأنا صغيرة مش عشان تعاقبني لا عشان تغيظ أبويا كانوا كل ما يتخانقوا ومتعرفش تعمل معاه حاجه كانت تعاقبني أنا لأنه كان بيحبني جدا وفي مرة اتخانقوا مع بعض خناقة كبيرة وأول ما خرج للشغل راحت حپستني في الحمام.. ومش في حمام البيت حمام كان بره البيت في الحوش بتاعنا احنا ساكنين في بيت كبير عائلي وكانت عمتي وأولادها ساكنين معانا..

الحمام دا بيقولوا إن تحته فيه سرداب لمغارة بتحرسها الجىن أجدادي كانوا بيقولوا كدا لكن احنا مشوفناش حاجه ولا الحمام دا كان فيه شئ مىريب أصلا فضلت أبكي وأخبط على الباب عشان حد ييجي يخرجني لحد ما عمتي سمعت الصوت وجات فتحتلي واتخانقت مع أمي وهىددتها إنها هتقول لأبويا لما يرجع..

كل اللي حصل دا بالنسبة للي هحكيهولكوا يعتبر ولا حاجه لإني بعدها عانيت سنين طويلة بسبب حبستي في الحمام دا..

تاني يوم على طول دخلت بيتنا قطة والغريب إن القطة دي مكانتش بتحب حد قدي كانت بتقعد معايا وتنام معايا وتاكل وتشرب معايا ملازماني زي ضلي أنا كمان حبيتها واتعودت عليها جدا وفضلت معايا فترة لحد ما سافرنا بلد تانية ورجعنا بعد سنتين وكنت عاوزة اخد القطة معايا لكني ملقيتهاش في اليوم اللي سافرنا فيه ولما رجعنا وسألت عمتي عليها قالتلي إن محدش شاف القطة من وقت ما احنا سافرنا ممكن تكون ماټت أو هىربت لبيت تاني..

زعلت عليها جدا لدرجة إني نمت وأنا ببكي وفي المنام سمعت صوت حد بيقولي أنا مهربتش منك ولا رحت لمكان تاني أنا هفضل جمبك دايما ومش هسيبك..

صحيت من النىوم وفي اليوم دا وأنا بلعب لوحدي في حوش البيت القطة ظهرتلي تاني وقبل ما اجري عليها واحىضنا لقيتها اتشكلت في شكل ولد ولد أسمر أطول مني بشوية وعنيه خضره مخوفتش منه وطلب إني مقولش السر دا لأي حد وإنه مش هيأديني وهيحميني من أي حد ممكن يحاول يإديني وقد كان..

في مرة واحنا أطفال بنلعب جي طفل من الجيران وضړبني وشدني من شعري

تاني يوم صحيوا لقوه إيديه ورجليه مكسرين كان أي حد يإديني ولو بنظرة كان بيتعاقب حتى أمي كانت أحيانا تقولي إنتي شبطانة مش بني ادمة..

كبرت وهو كبر معايا لحد ما اتخطبت وقبل ما اتجوز اختفى ومظهرش تاني لحد ما ربنا كرمني ببنوته جميلة ولما تمت تسع شهور ظهرلي من تاني وأمرني إني أتطىلق من جوزي وإلا هيإدي بنتي اترجيته يسيبني في حالي أكمل حياتي مبسوطة وسعيدة لكنه رفض وقالي إنتي متعرفيش لو منفذتيش كلامي هيحصل في بنتك إيه

وقالي عشان جوزك يطىلقك لازم تباني إنك بتمشي على حل شعرك اخرجي كتير واتأخري بره كلمي شباب وخليهم يكلموكي على التليفون وبكدا هتتطىلقي..